செப்டம்பர் -17 (தந்தை பெரியார் பிறந்த தினம் ) ஆண்டுதோறும் " சமூகநீதி நாள் " ஆக அனுசரித்து அரசாணை வெளியீடு !

நமது கல்வி நியூஸ் (Kalvinews.in) வலைத்தளத்தில் ஆசிரியர்கள், மாணவர்களுக்கு தேவையான தினசரி கல்விச்செய்திகள் மற்றும் மாதிரி வினாத்தாள்கள், அரசாணைகள் போன்றவற்றை தினசரி பகிர்ந்து வருகிறோம்.. படித்து பயனடையுங்கள், உங்களின் நண்பர்களுக்கும் பகிருங்கள் அவர்களும் பயனடையட்டும்

செப்டம்பர் -17 (தந்தை பெரியார் பிறந்த தினம் ) ஆண்டுதோறும் " சமூகநீதி நாள் " ஆக அனுசரித்து அரசாணை வெளியீடு ! 

உறுதிமொழி - தந்தை பெரியார் பிறந்த தினமான செப்டம்பர் -17 ஆம் நாளை ஆண்டுதோறும் " சமூகநீதி நாள் " ஆக அனுசரித்து அரசாணை வெளியிடப்பட்டுள்ளது 17.09.2021 அன்று உறுதிமொழி அனுசரித்தல் தொடர்பாக . 

சட்டமன்ற விதி எண் .110 :

மாண்புமிகு தமிழக முதலமைச்சர் அவர்கள் , தந்தை பெரியார் எனப் போற்றப்படும் ஈ.வெ.ராமசமி அவர்களின் பிறந்த தினமான செப்டம்பர் 17 - ஆம் நாளை ஆண்டுதோறும் " சமூக நீதி நாள் ” ஆகக் கொண்டாடுவது என முடிவு செய்து சட்டமன்ற விதி எண் .110 - ன்கீழ் அறிவிப்பு செய்ததனை பார்வையில் காணும் அரசாணை இன்று அரசால் வெளியிடப்பட்டுள்ளது .

 

ஈ.வெ.ராமசமி பிறந்த நாள் - சமூக நீதி நாள் :

அதில் , “ சாதிய ஏற்றத் தாழ்வுகள் , தீண்டாமைக் கொடுமைகளை , மத வேறுபாடுகளை உதறித் தள்ளி , பெண்களைச் சமநிலையில் மதிக்கும் கொள்கையை உருவாக்கிய தந்தை பெரியார் அவர்களின் பிறந்த தினமான செப்டம்பர் 17 - ஆம் நாள் அன்று ஆண்டுதோறும் தலைமைச் செயலகம் தொடங்கி , அனைத்து அரசு அலுவலகங்களிலும் " சமூக நீதி நாள் ” உறுதி மொழியை எடுத்துக் கொள்ளும் விதமாக கீழ்க்கண்டவாறு உறுதி மொழியினை அனுசரிக்க முடிவு செய்து அரசு ஆணையிடுகிறது என தெரிவிக்கப்பட்டுள்ளது . எனவே , பார்வை 1 - ல் தெரிவித்துள்ளவாறு வரும் 17.09.2021 வெள்ளிக்கிழமை முற்பகல் 11.00 மணிக்கு " சமூக நீதி நாள் ” உறுதிமொழியினை , சமூக இடைவெளி பின்பற்றி , முககவசம் அணிந்து உரிய பாதுகாப்புடன் எடுக்குமாறும் , உறுதிமொழி நிறைவுற்ற பின்னர் , இது தொடர்பான அறிக்கையினை அனுப்பி வைக்குமாறு கேட்டுக்கொள்கிறேன் . இணைப்பு : உறுதிமொழி .

சமூக நீதி நாள் உறுதிமொழி 

சமூக நீதி நாள் உறுதிமொழி வரிகள் :

" பிறப்பொக்கும் எல்லா உயிர்க்கும் என்ற அன்பு நெறியும் - 

யாதும் ஊரே யாவரும் கேளிர் என்ற பண்பு நெறியும்

 எனது வாழ்வியல் வழிமுறையாகக் கடைப்பிடிப்பேன் !

 சுயமரியாதை ஆளுமைத் திறனும் - பகுத்தறிவுக்

 கூர்மைப் பார்வையும் கொண்டதாக என்னுடைய

 செயல்பாடுகள் அமையும் !

 சமத்துவம் , சகோதரத்துவம் , சமதர்மம் ஆகிய

 கொள்ளைகளுக்காக என்னை நான் ஒப்படைத்துக்

 கொள்வேன் !

 மானுடப் பற்றும் மனதாபிமானமும் ஒன்றே எனது இரத்த

 ஓட்டமாக அமையும் !

 சமூக நீதியையே அடித்தளமாகக் கொண்ட சமுதாயம்

 அமைக்கும் எனது பயணம் தொடர இந்த நாளில்

 உறுதியேற்கிறேன் !"